Sulmuesi i Lacios, Çiro Imobile është zyrtarisht fituesi i Këpucës së Artë për vitin 2020, pasi Kristiano Ronaldo nuk është përfshirë në skuadër për ndeshjen ndaj Romës. Portugezi ishte i vetmi lojtar që po garonte me sulmuesin italian, por mungesa e Ronaldos në ndeshjen e fundit e shpall zyrtarisht fitues Imobilen.
Sarri vendosi që ta lërë pushim CR7 për ndeshjen e fundit në kampionat kundër Romës. Kjo do të thotë që Imobile e mbyll sezonin si golashënuesi më i mirë pasi ka 35 gola një më shumë sesa sulmuesi i Bajern Mynihut Robert Levandovski.
Imobile bëhet kështu lojtari i tretë italian që e fiton këtë çmim pas Françesko Totit me Romën në sezonin 2006-2007 me 26 gola dhe Luka Tonit me Fiorentinën me 31 gola të shënuar.
Imobile mund të thejë rekordin e më shumë golave të realizuar brenda një sezoni në Serinë A pasi është vetëm një gol larg rekordit të Higuainit që në 2016 me Napolin shënoi 36 gola. Lënia pushim e disa titullarëve mund të bëjë që Vrioni të bëjë debutimin me Juventusin, pasi disa herë është grumbulluar por nuk ka arritur dot të debutojë.
