Klubi kosovar ka arritur marrëveshje 3-vjeçare me firmën si sponsor teknik, për klubin dhe akademinë e klubit, ka konfirmuar për Insportin presidenti i Vushtrrisë, Bajrush Kajtazi.
Kjo marrëveshje përfshin edhe kamp me akademinë në Parma, për përvojë ndërkombëtare, me çmime preferenciale të lira që mund t’i përballojnë familjet për fëmijët e tyre.
Errea është firmë italiane që bën furnizimin e pajisjeve sportive.
Kujtojmë se Vushtrria nga sezoni i ardhshëm do të bëjë gara në Ligën e Parë të Kosovës, pasi këtë sezon e përfunduan në vendin e parafundit në IPKO Superligë.
