Man Utd i nxjerrë telashe edhe Interit për Alexis Sanchez - Bota Sot
Man Utd i nxjerrë telashe edhe Interit për Alexis Sanchez

Futboll

Man Utd i nxjerrë telashe edhe Interit për Alexis Sanchez

Më: 2 gusht 2020 Në ora: 19:09
Alexis Sanchez

Manchester United nuk i ul pretendimet financiare për kartonin e Alexis Sanchez.

Sipas asaj që shkruan Sunday Express sot, “Djajtë e Kuq” kanë kërkuar nga klubi zikaltër 16 milionë euro që të lejojë transferimin përfundimtar të sulmuesit kilian në Milano e rrjedhimisht edhe aktivizimin e tij nën urdhrat e Contes në Ligën e Evropës.

Në fakt, huazimi i Sanchezit ka skaduar dhe javën që nis ai duhet të largohet nga Milano për t’u kthyer në “Old Trafford” pasi të dy klubet nuk kanë gjetur një marrëveshje për pjesën tjetër të sezonit.

Sanchez nuk është pjesë e planeve të Manchester United, që gjithsesi nuk ka ndërmend ta japë falas.

Por edhe nëse klubet gjejnë gjuhën e përbashkët, Interi duhet të bindë lojtarin që të pranojë reduktim të ndjeshëm të pagës.

Shfaq komentet
comments powered by Disqus
Sot mund të lexoni Shfletoni kopertinat