E thotë trajneri i njohur: Zaniolo ka potencial për ‘Topin e Artë’

Futboll

E thotë trajneri i njohur: Zaniolo ka potencial për ‘Topin e Artë’

Më: 3 gusht 2020 Në ora: 00:56
Zaniolo

Fabio Capello thotë se ylli i Romës, Nicolo Zaniolo, ka potencial për t’u bërë fitues i “Topit të Artë” në të ardhmen.

Mesfushori sapo ka mbushur 21 vjeç dhe dje luajti për herë të parë si titullar që prej lëndimit në ligamentet e gjurit në janar.

Ai shkëlqeu në triumfin 3:1 të Romës ndaj Juventusit të dielën.

“Kaka nuk e kishte të njëjtën fuqi si Zaniolo, që ka më shumë teknikë dhe shpreh veten më mirë në fazën finale”, ka thënë Capello.

“Ky talent i Romës ka fizik të jashtëzakonshëm, fuqi dhe shpejtësi, të përziera me kualitet. Ai ka potencial jo për të fituar vetëm ‘Këpucën e Artë’ në atë ardhmen, por diçka më shumë”, shtoi italiani.

“Nuk shoh lojtarë të tjerë të rinj aq të mirë si Zaniolo përreth momentalisht, kështu që po, mendoj se ai ka potencial për të fituar ‘Topin e Artë’”, u shpreh ai.

Shfaq komentet
comments powered by Disqus
Sot mund të lexoni Shfletoni kopertinat