Ultrasit e Interit kundër klubit.
Tifozët e Interit vendosen përkrah Antonio Contes.
Ka mjaftuar një banderolë nën selinë e Interit nënshkruar nga Curva Nord “San Siro”, tifozët ultras zikaltër.
“Interistët e vërtetë janë me Conte”, mesazhi i publikuar nga tifozët ditën e sotme, në prag të ndeshjes kundër Getafe në Europa League, por mbi të gjitha tre ditë pas shpërthimit të ashpër të trajnerit nga Leçe, i cili pas suksesit kundër Atalanta sulmoi me forcë klubin dhe drejtuesit se nuk kishin bërë mjaftueshëm për të mbrojtur interesat e skuadrës dhe të trajnerit.