Futbollisti i talentuar shqiptar, Sherif Kallaku tashmë edhe zyrtarisht është larguar nga Teuta e Durrësit për të kaluar te skuadra e Lokomotivës së Zagrebit.
Kjo është konfirmuar nga vetë klubi durrsak nëpërmjet një njoftimi në faqen zyrtare.
Kallaku largohet kështu pas dy viteve të shkëlqyera me Teutën, për të provuar eksperiencën e parë jashtë vendit.
Gjithashtu bëhet me dije, se futbollisti 22-vjeçar ka nënshkruar një kontratë 4 vjeçare me Lokomotivën e Zagrebit, të cilët do mundohet ta përdorë si trampolinë për më lart.
Vlera e transferim është 250 mijë euro.
Te Lokomotiva aktivizohen edhe disa futbollistë shqiptarë si Lirim Kastrati, Myrto Uzuni, Jon Mersinaj.
Kastrati tashmë është transferuar në Dinamo Zagreb kurse Uzuni në Ferensvaros.