Gentian Selmani është duke kaluar ditët e tij të fundit si portier i Menemenspor.
Për gardianin e kombëtares shqiptare kanë mbrritur shumë oferta dhe me shumë gjasa në javët e ardhshme, ish-portieri i Laçit do të ndërrojë skuadër.
Për momentin në rradhë të parë për të marrë shërbimet e Selmanit qëndron Qarabag që synon të kualifikohet në grupet e Champions, dhe shikon te kuqeziu portierin ideal për t’i vendosur kyçin portës. Por për Selmanin nuk mungojnë as ofertat nga Superliga e Turqisë.
Antalyaspor dhe Kasimpasa interesohen prej kohësh për 22-vjeçarin me skuadrën e Antalyaspor që e ka seriozisht dhe në ditët e ardhshme pritet të paraqitet me një ofertë zyrtare në adresë të Menemenspor. Klubi nga Izmiri me të cilët Selmani shkëlqeu në sezonin e tij debutues në kategorinë e dytë në Turqi, kërkon të përfitojë minimalisht 1 milionë euro nga shitja e gardianit shqiptar, me një pjesë të parave që do të shkonin në favor të Laçit që ka ruajtur një përqindje të vogël të kartonit të Selmanit.
