Vokrri: Duhet të jemi 9 shqiptarë e 1 serb! Ja si reagoi Baleviqi

Futboll

Vokrri: Duhet të jemi 9 shqiptarë e 1 serb! Ja si reagoi Baleviqi

Nga: K.G. Më: 5 gusht 2020 Në ora: 16:46
Foto Gani Kosumi

Kosova ka një histori shumë interesante, sidomos në vitet e 90-ta kur populli shqiptarë u ballafaqua me terrorin e pushtuesit serb. Vitet e 90-ta (1991-1999), sportistët shqiptarë u detyruan garat t’i zhvillojnë në fusha dhe salla të improvizuara, pasi që stadiumet dhe palestrat sportive ishin uzurpuar nga regjimi kriminal serb.

Në librin e FFK-së: “20 vjet mevetësim - 1991-2011’, është përshkruar edhe një mbledhje interesante  e 13 prillit të vitit 1991 dhe me tone të ashpra mes shqiptarëve dhe serbëve. 
“Organet serbe të atëhershme kishin filluar trysnin edhe ndaj anëtarëve shqiptarë të Kryesisë së atëhershëm të ashtuquajturës Lidhje e Futbollit e Kosovës.

Gjatë gjurmimeve hasim në një ekstrakt nga Puna e kuvendit zgjedhor të kësaj lidhje që u mbajt më 13 prill 1991 në Prishtinë, nën kryesimin e Mitar Baleviqit. Nga ky procesverbal anëtarët shqiptarë, jo të gjithë, por disa prej tyre kishin kundërshtuar jo vetëm këtë Lidhje, por edhe qasjen serbe ndaj futbollit të Kosovës. Në këtë mbledhje u ndryshua edhe emërtimi nga Lidhja e Futbollit të Kosovës në Lidhja e Futbollit e Kosovës dhe e Metohisë (Fudbalski Savez Kosova i Metohije). Nga kjo shihet qartë se serbët kishin bërë tashmë planet e tyre për shkatërrimin e futbollit të Kosovës. Ky ndryshim ishte kundërshtuar nga delegati Nazmi Gashi, por jo edhe nga të tjerët, përkatësisht nga serbët që kishin më shumë delegatë. Përderisa delegatët serb mbronin qëndrimet e tyre rreth ndërrimit të emrit të Federatës shumica e delegatëve shqiptarë kundërshtonin. Derisa Mitar Baleviqi fliste për mos politizim të sportit, megjithatë shihej qartë diçka tjetër dhe këtë e tha edhe delegati nga Gjakova, Ismet Kusari, i cili theksoi se nga materiali i këtij kuvendi shihet qartë se kjo është një konferencë e pastër politike.

Delegati Muhamet Vokrri që u pajtua me Kusarin, ai vuri në pah se nëse shikojmë listën e delegatëve shohim qartë se politika ka hyrë thellë në sport. Unë nuk pajtohem që këtu të jemi 50:50, që do të thotë sa serb edhe aq shqiptarë, sepse në Kosovë përbërja e popullatës është 90:10 në të mirë të shqiptarëve, ndaj edhe delegatë duhet të jemi 9 shqiptarë e 1 serb.

Merreni me mend sikur në Kuvendin e Federatës së Futbollit të Serbisë të kërkonin edhe ne shqiptarët të jemi sa serb aq shqiptarë 50:50, a do ta pranonin një gjë të tillë? Jam i bindur se jo, ndaj pse ne ta bëjmë një gjë të tillë. Edhe Enver Devçe nga Mitrovica kishte kundërshtuar intencat e serbëve që në një farë mënyrë po serbizohej Federata e Kosovës”, shkruan mes të tjera në librin “20 vjet mëvetësim”.

commentFirst article
Sot mund të lexoni Shfletoni kopertinat