Arsenali ka njoftuar se ka propozuar idenë e largimit nga stafi të 55 personave për shkak të krizës së shkaktuar nga koronavirusi.
Klubi londinez, i cili është në pronësi te Stan Kroenkes që ka një pasuri prej 6.3 miliardë funtesh, ka konfurmuar lajmin përmes një komunikate të lëshuar nga dy drejtorët Raul Sanllehi dhe Vinai Venkatesham.
“Ne nuk i bëjmë lehtë këto propozime dhe kemi shikuar në çdo aspekt të klubit dhe shpenzimet tona para se të arrijmë në këtë pikë”, thuhet në njoftim.
“Ne tash jemi duke hyrë në periudhën e kërkuar prej 30 ditësh të konsultimeve për këto propozime”, thuhet më tej.
Gazetari i “Sky Sports”, Kaveh Solhekol, ka thënë se derisa Mesut Ozili paguhet 350,000 funte në javë dhe nuk luan, disa punëtorë të Arsenalit, që paguhen në vit sa fiton turku në ditë, do të largohen nga puna.
“Ai paguhet 350,000 funte në javë dhe nuk është duke luajtur, disa prej këtyre njerëzve që do të humbin punën e tyre fitojnë në vit sa fiton ai në ditë”, ka thënë Solhekol.
