Alesio Hyseni nuk do të jetë më pjesë e Partizanit.
Mesfushori vlonjat ka prishur dje kontratën me klubin e kuq dhe tashmë është i lirë të vazhdojë karrierën në një ekip tjetër.
Lajmin e ka konfirmuar për “Panorama Sport” vetë 23-vjeçari, i cili në pjesën e dytë të sezonit të kaluar ishte në huazim te Klaksvik në Ishujt Faroe.
Sipas të gjitha gjasave, karriera e mesfushorit do të vazhdojë në Superligën e Kosovës, aty ku mësohet se i ka bërë ofertë klubi i Gjilanit.
Trajneri Gentjan Mezani e njeh mirë Hysenin, pasi e ka pasur te Flamurtari.