Legjenda e futbollit të Kosovës, Kujtim Shala, i kushton rëndësi të veçantë familjes.
Ai ka dy djem dhe që të dytë futbollistë.
Andisi është sulmues dhe luan për ekipin SV Waldhof Mannheim 07, anëtar i Bundesliga III, ndërsa Romani është prej talenteve më të mëdhenj.
Shala si gjithmonë kur e ka kohën e lirë shëtitet me gruan e tij në Gjermani.
Ai në foto shihet me Jehonën edhe me djalin e tij të vogël Romanin dhe që pritet të shkojë hapave të Kujtimit, që besa edhe t’ia kalojë!
Kujtim Shala ka luajtur për Lirinë e Prizrenit, Partizanin e Beogradit, Prishtinën, Dinamon e Zagrebit dhe pas viteve të 90-ta në skuadrat e elitës franceze dhe gjermane. Është shqiptari i parë që ka veshur fanellën e kombëtare së Kroacisë pikërisht me 17 tetor të vitit 1990, të cilët në një ndeshje revyale në stadiumin në “Maksimir” i mposhtën me rezultat 2:1 Shtetet e Bashkuara të Amerikës.
