Vëllaznimi nga Gjakova nuk e ka krenarinë e dikurshme, të viteve të 80-ta! Vëllaznimi ka vite që nuk është në Superligë por në Ligën e Parë të Kosovës! Në vitin 1982 pikërisht me 1 shtator, qyteti i Gjakovës vlonte nga një ndeshje e futbollit përkatësisht e javës së katërt të Ligës së Dytë Federative të ish Jugosllavisë, grupi i Lindjes.
Mbi 8 mijë shikues në stadium, nuk kishte vend as për një gjilpërë, skuadra nga Serbia Bori, atëkohë emër i njohur dhe disa vite edhe ish anëtar i elitës ish jugosllave, kthehet kokulur nga Çabrati. Vëllaznimi i shkëlqyeshëm, kishte shënuar fitore me rezultat 2:0 duke iu falënderuar golave të Bedri Lotës dhe Xhelal Kaçit. Kjo ndeshje kishte thyer rekordin e shikueshmërisë për Gjakovë, por sipas asaj që raportohet, më së shumti ka pas në takim me OFK Beogradin, kur e kishte udhëhequr trajneri i madh Ajet Shosholli në edicionin 1983-1984.
Duhet kujtuar se në këtë edicion Prishtina u bë kampion e ligës së dytë me 49 pikë dhe ngritët në elitë, ndërsa Vëlllaznimi mbetet në ligë së bashku me Trepçën, ndërsa Liria nga Prizreni bie në ligën e Kosovës.
Vëllaznimi-Bori 2:0
Stadiumi në Gjakovë.
1 shtator.
Shikues: 8.000.
Gjyqtar: Vukoviq.
Shënues: Bedri Lota (10'), Xhelal Kaçi (65').
Vëllaznimi: Muhaxheri, Lama, Hoxha, Lota, Açif Shehu, Stanojeviq, Roka, Kaçi, Binakaj (Lleshi), Radogoshi dhe Nikoliqi (Cërmjani).
Bori: Brankoviq, Z. Nikoliq, Angjelkoviq, Zhivaleviq, Lluçiq, B. Nikoliq, Joka (Rovçanin), Ivanov, Mitiq, Markoviq (Zhivkoviq) dhe Vitanoviq.
Liga e dytë – grupi i lindjes, edicioni 1982-1983
Tabela
1. Prishtina 34 20 9 5 65:30 49
2. Sutjeska 34 19 8 7 59:31) 46
3. Teteksi 34 15 8 11 40:31 38
4. Bori 34 16 6 12 49:42 38
5. Pelisteri 34 15 6 13 52:36 36
6. Trepça 34 14 7 13 45:33 35
7. Rad 34 15 5 14 51:46 35
8. Napredaku 34 15 5 14 45:48 35
9. Borci (Ç) 34 13 8 13 53:44 34
10. Timok 34 11 12 11 28:23 34
11. Slloboda 34 10 14 10 24:27 34
12. Radniçki (P) 34 12 10 12 38:43 34
13. Vëlaznimi 34 11 12 11 29:34 34
14. Liria 34 12 9 13 25:34 33
15.Radniçki (K) 34 10 12 12 51:54 32
16. Duboçica 34 7 9 18 23:53 23
17. OFK Titograd 34 6 10 18 23:61 22
18 .Llovçeni 34 6 8 20 24:54 20