Mund të mos luhet në Shkup Maqedonia-Kosova, ja arsyeja

Futboll

Mund të mos luhet në Shkup Maqedonia-Kosova, ja arsyeja

Më: 6 gusht 2020 Në ora: 17:53
Mund të mos luhet në Shkup Maqedonia-Kosova!

Pas takimit me sekretarët e Federatave Futbollistike të Evropës, UEFA shpjegoi se në këtë takim është biseduar për fillimin e Ligës së Kombëve në muajin shtator dhe sfidat që duhet të kalojnë kombëtaret me kufizimet gjatë udhëtimeve dhe masat e karantinës në hyrje të disa shteteve.

Në rastin e Maqedonisë, ka ndalesë për hyrje në Bashkimin Evropian, por kjo vlen edhe për shumë vendet të tjera të Ballkanit, andaj UEFA nuk ka përjashtuar zhvillimin e ndeshjeve në terren neutral.

“Është biseduar për sfidat e muajit shtator të kombëtareve, ku janë shpalosur vështirësit me të cilat përballen përfaqësueset me kufizimet e udhëtimit. Andaj kërkohet bashkëpunim mes klubet dhe Federatave të Futbollit që UEFA të mundësojë zhvillimin e garave. Në këtë fazënuk përjashtohen edhe zhvillimin e ndeshjeve në terrenin neutral,” thuhet mes tjerash në kumtesën e UEFA-s.

Maqedonia nis gara në Ligën e Kombëve më 5 shtator kundër Armenisë në Shkup, ndërsa 3 ditë më vonë duhet të jetë në transfertë, ndaj Gjeorgjisë. Mirëpo problem kryesor është se si pjesa më e madhe e reprezentuesve do të udhëtojnë dhe si do të kthehen në ato shtete evropiane, a do të ketë vetizolim për ata dhe a do të nënshtrohen testeve plotësuese.

Ndërkohë Maqedoninë e pret edhe sfida më 8 tetor, ndaj Kosovës, mirëpo deri më tani nuk ka asnjë paralajmërim se a do të ndryshojë vendtakimi në Shkup.

commentFirst article
Sot mund të lexoni Shfletoni kopertinat