Anëtari i ri i elitës së futbollit të Kosovës, Arbëria nga Dobraja e Madhe e Lypjanit, po e hulumton tregun jo vetëm vendorë por edhe të jashtëm.
Flitet e përflitet se Arbëria ka arritur marrëveshje me dy lojtarë të jashtëm, njërin luan në pozitën e qendërmbrojtësit e tjetri mesfushor.
Siç raportohet, njëri futbollist vjen nga Afrika e tjetri nga Brazili.
Flitet se brenda këtyre ditëve do të prezantohen futbollistët, por emrat nuk bëhen të ditur derisa të arrijnë në Kosovë.
Kryetrajner i ri i Arbërisë është Arbnor Morina, që ka synime të ndërtojë një ekip të fortë për Superligë.