Oblak duket i paarritshëm, Chelsea planifikon transferimin e një tjetër portieri

Futboll

Oblak duket i paarritshëm, Chelsea planifikon transferimin e një tjetër portieri

Më: 7 gusht 2020 Në ora: 21:10
Lampard e ka parë nga afër kamerunasin duke mbrojtur në dy sfidat që Chelsea i zhvilloi përballë gjigantit holandez në Ligën e Kampionëve.

Jan Oblak ka qenë dëshira kryesore e Chelseat për afatin kalimtar veror.

Trajneri Frank Lampard nuk po i beson spanjollit Kepa Arrizabalaga dhe ka planifikuar transferimin e portierit slloven nga Atletico Madrid.

Megjithatë Chelsea nuk do të arrijë ta bëjë këtë transferim, pasi Oblak nuk është në listën e transferimeve nga Atletico.

Gjiganti madrilen i ka bërë të qartë Chelseat se duhet të ndërrojnë objektiv pasi nuk do ta lejojnë largimin e sllovenit për asnjë shumë.

Kjo ka bërë që londinezët të dorëzohen dhe tani të synojnë transferimin e një portieri.

Eksperti i transferimeve, Fabrizio Romano ka bërë të ditur se Chelsea tanimë ka nisur kontaktet me Ajaxin për portierin Andre Onana.

Lampard e ka parë nga afër kamerunasin duke mbrojtur në dy sfidat që Chelsea i zhvilloi përballë gjigantit holandez në Ligën e Kampionëve.

Onana ka dhënë dritën jeshile për tu transferuar te Chelsea, por tani i mbetet dy klubeve të arrijnë një marrëveshje.

Ajaxi nga ana tjetër është bërë gati ta shes numrin një të portës nëse vije një ofertë mbi 45 milionë euro.

Sot mund të lexoni Shfletoni kopertinat