Ylli argjentinas Sergio Aguero nuk do të jetë i gatshëm për të luajtur për Manchester Cityn në pjesën e mbetur të Ligës së Kampionëve.
Klubi anglez ka udhëtuar drejt Lisbonës për çerekfinalen ndaj Lyonit, derisa është vetëm tri fitore larg triumfit në Ligën e Kampionëve, synim ky prej kohësh i ekipit të Pep Guardiolas.
Por Aguero nuk do të mundë t’i ndihmojë Manchester Cityt në fazën e fundit të kompeticionit më prestigjioz evropian për klube.
Argjentinasi kishte lënduar meniskun e gjurit të majtë në qershor.
Ai kishte shpresuar që të jetë i gatshëm për ndeshjet e Ligës së Kampionëve, por tashmë e ka pranuar se nuk do të jetë në gjendje ta ndihmojë skuadrën e tij.