E pickoi grerëza, vdes ish-portieri i njohur.
Vdes në moshën 61-vjeçare, Gynter Mair, ish-portieri i Trentos në vitet ’80 dhe ’90 pas një shoku anafilatik që shkaktoi sulmi i disa grerëzave.
Mair, trajner i të rinjve të Leviko Terme, ishte shtruar të premten në terapi intensive për shkak të alergjisë që i shkaktoi pickimi i disa grerëzave që më pas i shkaktoi edhe infarkt.
Incidenti ndodhi ndërsa ai kishte dalë shëtitje me familjen e tij dhe papritur shkeli mbi një fole grerëzash, të cilat e sulmuan, duke e lënë në gjendje shumë të rëndë, aq sa ai nuk e fitoi dot betejën në spital.
