Trajnerët kanë dhënë kontribut të madh në vitet e 90-ta, për të mbajtur gjallë futbollin dhe në anën tjetër i rezistuan regjimit kriminal serb (1991-1999).
Rexhep Gaxholli i takon Gjeneratës së Republikës. Gaxholli ka qenë njeriu i sfidave, trajner në kohërat më të vështira!
Ndryshe ka qenë futbollist i Lirisë nga Prizreni në vitet e 80-ta (prej sulmuesve më të mirë që ka pasur Kosova), ish lojtar i gjeneratës së artë të klubit të futbollit Prishtina, në kohën e kapitenit Fadil Vokrri (vitet e 80-ta), ndërsa në kohën e okupimit veprimtar dhe trajner, duke sfiduar pushtuesin serb.
Ai, së bashku me një armatë sportistësh treguan guxim, zhvilluan garat e Republikës së Kosovës, në fusha të vështira e të improvizuara. Ish futbollisti, asnjëherë nuk u tremb nga kërcënimet e kuzhinës së Beogradit, por kishte vazhduar misionin e tij me mijëra sportistë, në shtetformimin e Kosovës.
Gaxholli është i lumtur që sot Kosova është shtet i njohur ndërkombëtarisht, me të gjitha sportet me sukses garojnë në garat ndërkombëtare.