Ëndrra e shumë veleshtarëve për të pasur një klub në Ligën e dytë është bërë realitet. KF Veleshta pas dy dekada do të luaj në ligën e dytë-Perëndim dhe ky sukses u prit me entuziazëm të madh nga të gjithë veleshtarët, sidomos nga tifozët Shqiponjat e Veleshtës.
Me 22 gusht të këtij muaji Veleshta do të debutoj në këtë rang garash dhe sezonin e ri do ta luaj në fushë të vet kundër Kadinos nga Shkupi.
Grupi i tifozëve Shqiponjat e Veleshtës me padurim e presin ndeshjen e parë të klubit të tyre të zemrës.
Për shkak të pandemisë me Covid -19 nuk do të mund të jenë në tribuna për ta përkrahur ekipin e tyre, megjithatë ata po mendojnë që të gjejnë forma të tjera të mbështetjes dhe një prej tyre është përkrahja nga jashtë stadiumit.
