Momenti që Alphonso Davies ëndërronte tashmë është bërë realitet.
Bayerni do të përplaset me Barcelonën në çerekfinalet e Ligës së Kampionëve dhe Davies do të ketë mundësinë të takojë idhullin e tij të fëmijërisë, Lionel Messi.
“Për të qenë i sinqertë, unë i kam humbur fjalët. Një ëndërr e bërë realitet (të takosh Messin)”, tha futbollisti 19 vjeçar.
Ai tregoi gjithashtu edhe një histori kur babai i tij e kishte telefonuar i entuziazmuar për ta përgëzuar që do të përballet me lojtarin e tij të preferuar.
“Babai im më telefonoi dhe tha ‘Ti do luash kundër lojtarit tënd të preferuar?’ dhe unë i thash: ‘Po’.
Ai e di se unë e kam parë Messin që kur isha i vogël, tani do të luaj kundër tij. Është vërtetë diçka e bukur”, ka thënë Davies.