Milani zgjedh të mbajë vetëm njërin për sezonin tjetër.
Pas vlerësimeve të paraqitjeve sezonale, Milani ka vendosur të konfirmojë Andrea Kontin, teksa homologu i tij, Kalabria, do të largohet.
Lajmin e bëjnë të ditur mediat italiane, të cilat njoftojnë se drejtori Maldini po punon pikërisht për një afrim në korsinë e djathtë.
Damfris i PSV-së dhe Orie janë dy kandidaturat më të mundshme, me afrikanin disi më të avantazhuar për shkak të përvojës ndërkombëtare që ka akumuluar me PSG-në dhe me Totenhemin në tri sezonet e fundit.