Arthur nuk po e mbyll aspak mirë aventurën e tij me skuadrën e Barcelonës. Ai nuk ishte prezent në Champions League dhe nuk u stërvit me katalanasit, pasi nuk donte të rrezikonte nga ndonjë dëmtim i mundshëm.
Mesfushori ka arritur marrëveshjen me klubin spanjoll që të largohet më shpejt drejt Torinos.
Ai do t’i bashkohet italianëve më 23 gusht për të nisur stërvitjen me kampionët e Italisë.
Braziliani u takua me drejtorin sportiv Eric Abidal për të diskutuar diçka të tillë. Francezi dha dritën jeshile dhe gjithçka mes palëve do të mbyllet më herët se është e parashikuar në kontratë.
