Sevilla ka eliminuar në gjysmëfinale Manchester Unitedin me rezultat 2:1.
Ndeshja nisi më mirë për ‘Djajtë e Kuq’ me Rashford që fitoi një penallti pas nëntë minutave lojë, të cilin e konvertoi në gol Bruno Fernandes (9’).
Në vazhdim, skuadra e Julien Lopetegui vazhdoi të kërkonte golin e barazimit të cilin e gjeti me anë të Suso (26’), falë një mbrojtje të përgjumur.
Befasia erdhi 12 minuta para fundit. Krosimi nga e djathta i Jesus Navas gjeti mjaft mirë në zonë Luuk de Jong (78’), i cili vulosi rezultatin përfundimtar 2:1 për skuadrën e tij.
Paraqitje për t’u harruar pati portieri David de Gea dhe dy qendërmbrojtësit e ekipit anglez, Harry Maguire dhe Victor Lindelof.
Derisa portieri i Sevillës u vlerësua me notën më të lartë.
