Një tjetër rikthim i bujshëm te FC Prishtina, pasi që tashmë mund të quhet punë e mbyllur transferimi i futbollistit Mërgim Pefqeli.
“Sheshi” raporton se klubi dhe lojtari kanë gjetur akordin dhe tashmë pritet vetëm zyrtarizimi, i cili sipas gjitha gjasave do të jetë vetëm çështje kohe.
26-vjeçari ishte pjesë e KF Llapit në edicionin e fundit, derisa u paraqit në 30 përballje, teksa realizoi pesë gola dhe gjashtë asistime.
Sulmuesi i krahut ishte edhe më parë te klubi kryeqytetas duke qëndruar për tri edicione.
Numri i përforcimeve te Prishtina pas zyrtarizimit të Besnik Krasniqit dhe Behar Maliqit shkon në tre.