Atletico Madrid do të duhet të shesë para se të blejë këtë verë, kjo pasi kriza ekonomike e shkaktuar nga coronavirusi, ka prekur edhe klubin e njohur spanjoll.
Mungesa e të ardhurave ka bërë që klubi të jetë pak aktiv në afatin kalimtar veror tregu i ngadaltë i transferimeve nënkuptojnë që bërja e nënshkrimeve të reja do të jetë një gjë e rrallë për Los Rojiblancos.
Për më tepër, CEO i Atleticos, Miguel Angel Gil Marin ka deklaruar se vetëm 25 për qind e shitjeve të lojtarëve do të kthehen në buxhet për transferime.
Sidoqoftë, Atletico është duke kërkuar të sjellë një sulmues në afatin kalimtar.
Kjo do të thotë që disa lojtarë të skuadrës së Diego Simeone do të duhet të hapin rrugë dhe të largohen.
Për momentin, klubi do të konsideronte oferta për Santiago Arias, Mario Hermoso, Kieran Trippier, Sime Vrsaljko, Thomas Lemar, Vitolo dhe Angel Correa.
Të gjithë këta emra mund të largohen nga Wanda Metropolano nëse bëhet oferta e duhur, megjithëse Trippier dhe Correa do të shiten vetëm nëse klubi merr oferta që nuk mund të refuzohen.
Verën e kaluar, Correa ishte afër nënshkrimit për AC Milan për 50 milionë euro, ndërsa tani Atletico mund të pranojë ofertat nga 30 milionë e lart.
Sa i përket Trippier, klubi ka qenë i lumtur me vitin e tij të parë në Spanjë, por ai ende ka një reputacion të mirë në Angli.
Me situatën aktuale, ku Atletico ka tre mbrojtës të krahut të djathtë, vetëm njëri mes Arias ose Vrsaljko do të qëndrojë.
Atletico do të konsideronte të lironte edhe Hermoson nëse marrin ofertë prej më shumë se 25 milionë eurove, shumë që u pagua në vitin e kaluar.
Atletico do të kërkonte rreth 25 milionë euro edhe për Lemarin këtë verë – një shumë e ultë, kur dihet që lojtari u pagua rreth 80 milionë euro në vitin 2018.
Ndërsa sa i përket Vitolo, klubi kërkon rreth 15 milionë euro për të.
