Skuadra e Atletico Madrid është pranë nënshkrimit me mbrojtësin 22-vjeçar uruguaian Mathias Oliveira, që luan me skuadrën e Getafe në La Liga.
Një përforcim që konsiderohet i rëndësishëm për skuadrën “colchoneros”, që synon të duelojë për titullin në kampionat sezonin e ri.
Oliveira do të konkurrojë për një post si titullar me Renan Lodi, në sezonin e tij të dytë me Atletico.
Mbrojtësi i ri uruguaian kushton rreth 5 milionë euro, një shumë e përballueshme për skuadrën e trajnerit Diego Simeone, që kërkon të marrë masat në prag të fillimit të kampionatit.
Nga ana e saj, ekipi i Getafe kërkon që skuadra e Atletico të përfshijë në këtë transferim mbrojtësin Victor Mollejo, që të vijë në formë huazimi.
Marrëveshja pritet të zyrtarizohet ditët në vijim.
