Klubi shqiptar nga Maqedonia e Veriut, FC Struga e ka transferuar edhe një futbollist nga Kosova.
Mesfushori Malsor Ajeti i është bashkuar skuadrës shqiptare në stërvitje ditë më parë, derisa tashmë transferimi është zyrtarizuar nga klubi.
“Përforcimi i radhës për skuadrën tonë. FC Struga dhe Malsor Ajeti nënshkruajnë kontratë bashkëpunimi”, thuhet në njoftimin e FC Strugës.
Ajeti (20-vjeçar) së fundmi ka qenë pjesë e Skënderbeut të Korçës derisa më parë ka bërë karrierë edhe në Gjermani te Waldof Mahheim U-19 dhe Portos U-19.
Ajeti është zhvilluar si futbollist në Kosovë teksa ka luajtur për Prishtinën (grupmoshat e reja) dhe Hajvalinë.
Te Struga javë më parë është transferuar edhe futbollisti tjetër nga Kosova, Arlind Shabani, i cili me sukses po luan me këtë ekip.