Pasi që nuk do të jenë të pranishëm në stadium shkaku i pandemisë COVID-19, "Dardanët" po mundohen ta përkrahin Kosovën në çdo mënyrë në ndeshjen e sontme.
Përfaqësuesja e Kosovës do ta zhvillojë sonte ndeshjen e dytë në kuadër të edicionit të ri në Ligën e Kombeve.
"Dardanët" e udhëhequr nga Bernard Challandesi do të jenë nikoqirë të Kombëtares së Greqisë.
Pas barazimit (1:1) me Moldavinë të enjten që lamë pas, Kosova synon tri pikët e para në Prishtinë kundër helenëve.
Tifogrupi zyrtar i Kosovës, "Dardanët" kanë vendosur flamuj të Kosovës kudo në Prishtinë e më gjerë, derisa në një vend e kanë vendosur edhe flamurin e Shqipërisë.
Një pamje që po qarkullon me flamurin e Kosovës pranë atij kombëtar, e ka shpërndarë edhe kapiteni legjendar i Shqipërisë, Lorik Cana në rrjetin social "Facebook".