Pasi me Asmir Begoviçin nuk u arrit asnjë marrëveshje për ta mbajtur në ekip, Milani tashmë e ka gjetur portierin e dytë.
Mediat italianë bëjnë të ditur se drejtuesit kanë arritur marrëveshje me gardianin e Lionit, Ciprian Tatarushanu, i cili do të jetë zëvendësues i Donarumës.
34-vjeçari do të qëndrojë si portier i dytë te skuadra e Piolit dhe thuhet se do të nënshkruajë një kontratë tre-vjeçare. Rumuni (i katërti në historinë kuqezi) ka luajtur edhe më parë në Serinë A me Fiorentinën, teksa prej vitit 2010 është edhe portier i Rumanisë me mbi 80 paraqitje.
Përvoja e tij ka bërë që Milani ta zgjedhë duke qenë se ka zhvilluar edhe më shumë se 60 ndeshje në nivel ndërkombëtar për klube.