Rashani: Unë dua të luaj për Kosovën kundër Maqedonisë së Veriut

Futboll

Rashani: Unë dua të luaj për Kosovën kundër Maqedonisë së Veriut

Më: 17 shtator 2020 Në ora: 18:20
Rashani: Unë dua të luaj për Kosovën kundër Maqedonisë së Veriut

Elbasan Rashani është i etur të jetë pjesë e përfaqësueses së Kosovës për ndeshjen e muajit tetor.

Ai është i gatshëm të sfidojë një ndalim të mundshëm nga klubi i tij norvegjez, Odds.

Më 10 tetor në Shkup, Kosova do të përballet me Maqedoninë e Veriut në plejofin për “Euro 2020”. Fituesi do të luaj në finalen e plejofit me fituesin e ndeshjes Gjeorgji – Bjellorusi.

“Unë dua të luaj për Kosovën kundër Maqedonisë së Veriut, kështu që ne mund të shkojmë në finale dhe në kampionatin evropian. Klubi duhet ta respektoj dhe të gjejë një zgjidhje për ne që luajmë për ekipet përfaqësuese. Nëse nuk kam zgjidhje do të largohem. Do të shkoj në atë ndeshje pa marrë parasysh se çka do të ndodhë. Është beteja më e rëndësishme e jetës time”, ka thënë Rashani në intervistën dhënë për “Eurosport.no”.

Rashani nuk u lirua të paraqitet për ndeshjen kundër Greqisë që Kosova e luajti në stadiumin “Fadil Vokrri”, pasi me t’u kthyer në Norvegji do të obligohej t’i nënshtrohej karantinimit.

commentFirst article
Sot mund të lexoni Shfletoni kopertinat