Milan ka fituar 2:0 në transfertë kundër Shamrock Rovers dhe është kualifikuar në ruandin e tretë kualifikues të Europa League.
Ka qenë gjithçka e lehtë për skuadrën e Pioli-t që ka siguruar fitoren me një gol për pjesë loje.
Ndeshja e luajtur në Dublin është zhbllokuar nga Zlatan Ibrahimovic në minutën e 23-të.
Suedezi është kthyer të shënojë në Europë me fanellën e Milan-it pas 3137 ditësh nga goli i fundit (15 shkurt, 2012 kundër Arsenal-it në Champions).
Në pjesën e dytë, në minutën e 67-të, ka ardhur edhe goli i Hakan Calhanoglu që ka vulosur fitoren dhe kualifikimin e Djallit.
Turku ka shënuar dhe ka dhënë një asist në katër nga shtatë ndeshjet e fundit që ka luajtur me Milan-in në të gjitha kompeticionet.
