Drita e Gjilanit është kualifikuar në rundin e tretë eliminator të Ligës së Evropës.
Skuadra që drejtohet nga Ardian Nuhiu ka regjistruar sukses historik sonte.
Për herë të parë në historinë e futbollit kosovar, Drita është bërë skuadra e parë që arrinë në këtë fazë, pas fitores së sontme ndaj Sileksit.
Kampionia e Kosovës e ka mposhtur skuadrën nga Maqedonia e Veriut me rezultat të pastër, 0:2.
Pas ndeshjes, trajneri i Dritës, Ardian Nuhiu është shprehur tejet i lumtur me fitoren.
"Jam shumë i lumtur për fitoren. Normalisht që kisha njohuri për skuadrën, por futbollistët ishin ata që e kryen punën", deklaroi Nuhiu pas ndeshjes.
"Në pjesën e parë nuk dolëm në lojën tonë, kurse në pjesën e dytë, lojtarët e morën vetem dhe arritëm rezultatin që deshëm. I uroj lojtarët dhe për angazhimin dhe këtë fitore ia dedikojmë tifozëve tanë, 'Intelektualëve", shtoi trajneri shkupjan.
