Kryetrajneri i Sileksit nga Kratova, Goran Simov, merr përsipër gjithë fajin për humbjen me rezultat 2:0 nga kampioni i Kosovës Drita e Gjilanit, në kuadër të rrethit të kualifikueseve për Europa League në futboll.
"Unë e përgëzoj Dritën për fitoren e merituar e cila ka mundur të jetë shumë më bindëse.
Ata dhe ne luajtëm me ndrojtje në pjesën e parë.
Në pjesën e dytë shpejt pësuam një gol dhe ky ishte fundi për ne.
Ne nuk kemi hyrë në ndeshje si duhet dhe kjo është arsyeja pse unë marr përgjegjësinë e plotë.
Unë jam fajtor për humbjen. Nuk kishim ide, megjithëse ishim agresivë, gjithsesi nuk mjaftonte, sepse kishim frikë të fitonim. Do ta përsëris se fajtori më i madh për humbjen jam unë. Kjo është ndeshja më e keqe për Sileksin që kur jam në stol të kësaj skuadre. "Ne nuk kishim një shans të vetëm", - tha Simov.
