Sot do të luhen katër ndeshje të javës së 5-të të Ligës së Parë të Malit të Zi në futboll.
Podgorica dhe Deciç janë në krye të renditjes dhe kanë rast të mirë për të vazhduar serinë e mirë.
Skuadra shqiptare Deçiq nga Tuzi është në vend të dytë me tetë pikë dhe me goldallim 4:0 apo plot 360 minuta pa u prekur rrjeta e tyre.
“Është skuadra e vetme në ligën malazeze që nuk pësoi gol në katër javët e parë dhe tani Rudari shkon në Tuz”, shkruan media malazeze “VIjesti.
“Ne e mirëpresim këtë ndeshje me një disponim të mirë pas fitores në Treshnjica kundër Zetës, si dhe një seri rezultatesh të mira nga fillimi i kampionatit. Besoj se do të jemi më afër fitores”, tha mes të tjera futbollisti i Deçiqit Matija Bojanoviq.
Rudari deri me tash ka dy fitore në shtëpi, dy humbje jashtë.
Java e pestë, sot
Sutjeska - Zeta (18.00)
Podgorica - Jezero (19.00)
OFK Titograd - Iskra (20.00)
Deçiq - Rudari (20.00)
Petrovaci - Buduçnosti (u shty)
