Si në vitet e 90-ta si në vitet e sotme në Serbi disa skuadra të futbollit udhëhiqen nga bandat e ndryshme!
Një rast interesant është në vitin 1998, kur skuadra e Obiliqit nga Beogradi drejtohet nga krimineli i luftës Zhelko Razhnatoviq - Arkani dhe para sfidës së Champions League me Bayernin nga Munihu, trajneri Dragan Okuka, ish futbollist i Velezhit nga Mostari, kishte probleme me Arkanin!
“Pas titullit të kampionatit në verën e vitit 1998, futbollistët e Obiliqit luajtën në kualifikimet për Champions League dhe rivali i tyre ishte Bayern nga Munihu”, shkruan media serb “Kurir”.
Okuka ka qenë trajner i Obliqit në atëkohë. Për shkak të një ndeshje dhe lëndimit të një lojtarit siç ishte Nenad Grozdiç, Arkani (kryetar klubi atëkohë) ishte frustruar dhe gati sa e kishte rrahur trajnerin!
“A je i vetëdijshëm që mi nxore pesë milion marka nga xhepi? - ishin fjalët e para që Arkani iu drejtua Okukas. Kjo e kishte tmerruar trajnerin në atëkohë.
Sipas trajnerit, Razhnatoviq u tërbua në stol, duke goditur tavolinën dhe ofendonte. Por as Okuka nuk mund të heshte, por, siç pretendon ai, iu drejtua Arkanit me këto fjalë: “Prit o burrë, dëshiron që unë të drejtoj ekipin apo ti?".