Mezani e arsyeton humbjen e thellë të Gjilanit

Futboll

Mezani e arsyeton humbjen e thellë të Gjilanit

Më: 20 shtator 2020 Në ora: 16:29
Mezani e arsyeton humbjen e thellë të Gjilanit

Gentjan Mezani iu ka kërkuar ndjesë tifozëve për fillimin e shëmtuar të kampionatit nga ana e Gjilanit, që u mund 4:0 nga Feronikeli në Drenas.

“Mendoj që Feronikeli shfrytëzoi mirë gabimet tona. Ata e deshën fitoren më shumë dhe kjo ishte arsyeja se pse fitoi. Ne nuk arritëm të shfaqim atë që mund të shfaqim”, u shpreh Mezani për Art Sport.

“Kemi bërë gabime amatoreske si skuadër. Shpresoj t’i përmirësojmë sa më shpejtë sepse gabime të tilla nuk fallen. Kampionati është i gjatë, por është mirë që gabimet t’i përmirësojmë më shpejtë”.

“Kemi pasur mungesa, por s’duhet të shfajësohemi. Lojtarët që futen në fushë duhet të japin maksimumin e jo të pësojnë katër gola”.

“Unë e kam pasur gjithmonë mbështetjen e tifozëve, po ashtu edhe skuadra. Sot nuk i kemi gëzuar dhe besoj që duhet t’iu kërkojmë falje dhe që nga ndeshja tjetër të bëjmë më mirë”, theksoi ai.

commentFirst article
Sot mund të lexoni Shfletoni kopertinat