Trajneri i Prishtinës, Zekirija Ramadani, mendon që skuadra e tij pati mjaftueshëm raste për të fituar ndeshjen ndaj Arbërisë.
Gjithsesi, ai ka theksuar që skuadra e tij do të mësojë nga dështimi i sotëm.
“Patëm raste ta fitojmë ndeshjen, por nuk ia dolëm”, u shpreh fillimisht Ramadani për Art Sport.
“Ndeshjen nuk e filluam mirë. Në pjesën e dytë krijuam shumë raste, mirëpo i humbëm ato”.
“Arbëria e mori atë që deshi. Një skuadër shumë e mirë me trajner me eksperiencë. Ky barazim do të na mësojë shumë. Do të nxjerrim mësime”.
“Është vetëm xhiroja e dytë. Finalizimi sigurisht që s’mund të jetë në nivelin e duhur. Më gëzon fakti që krijojmë raste”, shtoi ai.
