Telenovelës “Luis Suarez” po i vjen fundi. Presidenti i Barcelonës, Bartomeu, detyrohet të bëjë prapakthehu, largimi zyrtar i uruguajanit është çështje orësh.
Pas një takimi mes avokatit të lojtarit dhe drejtuesve “blaugrana”, ngjarjet morën një kthesë 180 gradë: Suarez është gjithnjë e më pranë Atleticos së Madridit.
33-vjeçari është gati t’i japë fund përvojës së tij të jashtëzakonshme te Barcelona, skuadër me të cilën ka fituar gjithçka.
Atletico nuk do të paguajë asnjë qindarkë në arkat e “blaugranave” si dëmshpërblim, por nëse gjatë dy sezoneve të ardhshme do të kualifikohet në çerekfinale të Championsit me Suarezin në organikë, Barça do të përfitojë një bonus prej 2 milionë eurosh.