Nesër në orën 20.00 Shkëndija nga Tetova do të ndeshet me ekipin e madh anglez, Tottenham nga Londra, në kuadër të rrethit të tretë të Europa League në futboll.
“Shkëndija që vlen 5 milion euro kundrejt 775 milion, 24 Shkëndija sa një Harry Kane!
Nesër në Shkup, në Arenën Kombëtare "Todor Proeski", falë Shkendijës, një nga klubet më spektakolare në botë do të jetë mysafire.
Tottenham viziton Maqedoninë nën udhëheqjen e trajnerit Jose Mourinho në raundin e 3-të kualifikueseve të Europa League.
Është e qartë se gjithçka është në anën e gjigandit nga Londra. Sipas Transfermarkt, një nga klubet më të shtrenjta në histori është mysafire e skuadrës nga Maqedonia.
Vlera totale e "spursave" është e pabesueshme, deri në 775 milion euro, nga të cilat vetëm Harry Kane vlen 120 milion.
Shkendija vlen gjithsej "vetëm" 5 milion euro, dhe lojtari më i shtrenjtë i tyre është Doriev, i cili vlen 600,000 euro
Pra, 24 Shkendija së bashku vlejnë sa një Harry Kane.
Sidoqoftë, paratë nuk fitojnë gjithmonë në futboll, ndonjëherë zemra është në avantazh”, shkruan media maqedone “Sportmedia”.
“Le të shpresojmë që nesër në orën 20:00, Shkendija do të bëjë një mrekulli, një mrekulli të madhe”, shkruan më tej.
