Qendërsulmuesi i Prishtinës, Oto John, dje me Arbërinë ka shënuar golin e 15-të me fanellën e Prishtinës dhe golin e dytë rresht në dy ndeshjet e para të sezonit të sapo nisur. Klubi i futbollit Prishtina si mysafire barazoi me rezultat 1:1 me Arbërinë e Dobrajës së Madhe, në takimin që u zhvillua në stadiumin “Agron Rama” në Kastriot.
“Ishte ndeshje zhgënjyese, sepse ne i patëm mundësitë të fitonim ndeshjen, por ky është futbolli. Ende kemi shumë ndeshje për të zhvilluar dhe kemi pikë për të marrë dhe duhet të përqendrohemi për ndeshjet e radhës.
Është e vërtet që përveç golit pata edhe tre tentime tjera drejt portës, por isha i pafat, por shpresojë që në të ardhmen të jem edhe më efikas.
Ndërsa po ashtu jam i lumtur që e nisa sezonin me gola dhe shpresoj të shënoj sa më shumë gola tjerë për të ndihmuar ekipin të arrijë qëllimet që i ka ekipi ynë”, tha John për faqen e FC Prishtina.
