Në konferencën për shtyp para ndeshjes me Legian e Varshavës ka dalë edhe kapiteni Ardian Limani, i cili është në dyshim për këtë takim pas lëndimit që e pësoi dje.
Kapiteni i skuadrës gjilanase e ka vlerësuar lartë fuqinë e kundërshtarit.
“Ne i kemi parë ndeshjet e Legias shumë herë, madje edhe para se ta dinim se do të luanim me ta. Ata janë një ekip i shkëlqyeshëm me tifozë të mahnitshëm. Më vjen keq që ata nuk do të jenë në fushë, por ndoshta kjo do ta bëjë më të lehtë për ne të luajmë”, deklaroi Limani.
“Nëse do të mund të fitonim, është e qartë se do të donin ta bënim para kaq shumë tifozëve. Jemi mësuar, fansat tanë në Kosovë janë gjithashtu shumë të zëshëm”.
Tutje Limani shtoi se Drita do të mbrohet në këtë takim, ndërsa veçoi sulmuesin çek Thomas Pekhart.
“Nuk ka dyshim se duhet të mbrohemi. Legia ka krahë shumë të rrezikshëm, ata luajnë futboll ekipor, ndërsa unë do ta konsideroja Thomas Pekhart si kërcënimin më të madh. Ai nuk është një sulmues lehtësisht i kontrollueshëm”.
“Përballja me Legia do të jetë një provë për ne, por unë nuk ndiej frikë. Ende jam duke pritur lajmin se a do të luajë në këtë ndeshje”, ka thënë Limani.
Ndeshja Legia – Drita, zhvillohet të enjten nga ora 20:30.
