Nuk ka mrekulli ashtu siç shpresonin të gjithë shqiptarët dhe Shkëndija nuk ia ka dalë të eliminoj gjigantin anglez Tottenham Hotspur.
Londinezët kanë triumfuar në përballje me tetovarët me rezultat 1-3, në një ndeshje mjaftë të mirë nga skuadra shqiptare.
Gjiganti anglez e nisi për mrekulli ndeshjen, ku vetëm pas pesë minutash lojë kaluan në epërsi.
Ishte koreani Son që asistoi bukur te Lamela i cili pa ndonjë problem realizoi për 0-1.
Shkëndija provoi me disa gjysmëraste në pjesën e parë, por nuk e arritën golin e barazimit.
Kësisoj skuadrat shkuan në pushim me epërsinë minimale të mysafirëve 0-1.
Pjesa e dytë nisi për mrekulli për skuadrën e Ernest Gjokës, që barazoi gjithçka në minutën e 55-të.
Sulmuesi shqiptar, Valmir Nafiu realizoi një gol të mrekullueshëm nga distanca për të barazuar shifrat në 1-1.
Por gëzimi i kuqezinjve zgjati vetëm 15 minuta, pasi Spurs shënuan përsëri.
Ishte koreani Heung-Min Son që shënoi në minutën e 70-të pas një topi të kthyer për 1-2.
Spurs nuk u ndalen, dhe në minutën e 80-të realizuan edhe golin e tretë dhe të sigurisë.
Son asistoi për mrekulli, teksa kapiteni Harry Kane realizoi me kokë për 1-3.
Deri në fund, përkundër insistimit të skuadrës vendase për të bërë diçka më shumë, një gjëje të tillë nuk ia arritën.
Kësisoj skuadra e Jose Mourinhos në play-off të Ligës së Evropës do të përballet me gjigantin izraelit Macabi Haifa.
