Futbollisti që do ta përfaqësojë Kosovën në të ardhmen e afërt, Andi Zeqiri, do të largohet nga klubi zvicrean Lausannen, shkruan Insporti.
21 vjeçari i lindur në Lausanne të Zvicrës do të largohet nga klubi me të cilin ka edhe një vit kontratë në drejtim të Premier Ligës, raporton gazetari i njohur i The Guardian, Fabrizio Romano.
Ditëve të kaluar u raportua se Andi Zeqiri kishte arritur marrëveshje me klubin e Series A, Parma por kjo lëvizje nuk u finalizua në fund.
Babai i Andi Zeqirit, Avdiu, në një prononcim për Periskopin ka zbuluar shumën e transferimit, e që është 5.4 milionë euro.
Arsyeja pse nuk është arritur ende marrëveshja definitive është sepse palët nuk kanë gjetur gjuhën e përbashkët sa i përket pagës së futbollistit, por dallimi është shumë i vogël, kështu që nuk pritet të ketë problem.
Kemi cdo arsye të besojmë se Zeqiri do të jetë futbollisti i radhës që do të luajë në Premier League.
Kujtojmë që Zeqiri ka pranuar kombëtaren e Kosovës ndonëse është paraqitur për të gjitha grupmoshat helvete, përfshirë këtu edhe kombëtaren U21 me të cilën ka 9 gola në 9 paraqitje.
