Rinovimi i Contes duket se mund ta vendos të ardhmen e Milan Skriniar.
Mbrojtësi sllovak nuk shihet si opsion i parë për trajnerin zikaltër, andaj edhe po mendon largimin nga “Meazza”.
25 vjeçari tash e tre vite është pjesë e 18 herë kampionëve italianë, teksa ka regjistruar 105 paraqitje, duke shtuar edhe 4 gola.
PSG mbetet ekipi më i interesuar për t’i siguruar shërbimet e tij. Interi në parim ka vendosur shumën prej 50 milionë eurosh si çmim minimal për të hequr dorë nga futbollisti.
Ndërkaq, ka piketuar edhe zëvendësuesin. Bëhet fjalë për anëtarin e Manchester United, që ishte i huazuar edhe te Roma, Chris Smalling.
Gjithsesi, deri me datën 5 të muajit të ardhshme pritet të konfirmohet edhe përfundimisht kjo çështje.