Skuadra e St. Paulit nga Hamburgu është para sfidës së vështirë, kundër kundërshtarit të papërshtatshëm Heidenheim.
Ndeshja luhet nesër në orën 13.30 në stadiumin “Millerntor” në Hamburg, në kuadër të javës së 2-të të Bundesliga II.
Skuadra nga Hamburgu në javën e parë nxori pikë në udhëtim me rezultat 2:2 me Bochum-in.
Reprezentuesi i Kosovës, Leart Paçarada, me St. Paulin, janë të përgatitur për sfidën e radhës dhe me synime që të shënojnë fitoren e parë.
Trajneri i St. Paulit, Timo Schultz, mes të tjera ka thënë: "Djemtë janë të përqendruar. Ne kemi 25-26 djem në fushë që të gjithë dëshirojnë të luajnë. Ekipi karakterizohet gjithashtu nga fakti që ata luajnë njëri për tjetrin".