Tahir Batatina sërish e ka me gjyqtarët. Pavarësisht faktit se Trepça ’89 u “dënua” me karton të kuq dhe zhvilloi shumicën e pjesës së dytë me 10 futbollistë, trajneri i Llapit është ankuar përsëri në referim.
Duke folur për Art Sport pas ndeshjes, Batatina theksoi që Llapi e pati të vështirë t’i shënonte një 89-shi që sipas tij, mbrohej me 10 futbollistë.
“Ishte një ndeshje e vështirë ndaj një skuadre që dha maksimumin në fushë. Ne nuk i shfrytëzuam rastet në pjesën e parë, me të cilat mund ta fitonim takimin”, deklaroi Batatina.
“Nuk dua të komentoj gjyqtarët. Shihet qartë që shpesh herë nuk kanë as koordinim mes vete. Le t’i vlerësojë dikush tjetër”.
“Pasi 89-shi mbeti me 10 futbollistë, mbrohej me gjithë skuadrën. Ishte shumë e vështirë t’iu shënojmë gol”, shtoi Batatina.
