Sot nis java e katërt në Superligën e Kosovës në futboll.
Ndeshja hapëse e kësaj xhiroje do të jetë ajo mes Arbërisë nga Lipjani dhe Feronikelit.
Arbëria hyn në këtë ndeshje pas fitores 0:3 nga Besa e Pejës, kurse “Industrialistët” vijnë pas barazimit 2:2 ndaj Drenicës.
Momentalisht, Arbëria prin në tabelë me shtatë pikë, kurse Feronikeli ngec me katër sosh.
Kjo ndeshje zhvillohet në stadiumin “Agron Rama” në Obiliq, për shkak se stadiumi i Lipjanit nuk i ka përmbushur kriteret e FFK-së.