Nëntë të huaj mes maqedonasve, amerikano-latinëve dhe afrikanëve do të ketë sezonin e ri Tirana. Bardheblutë kanë firmosur me Najdovskin, Toshevskin, Kalenë, Torasën, Kobinën.
Tirana ende nuk është plotësuar si skuadër, pasi pret ardhjen e Dansosë. Me ekipin janë edhe ganezët Derrik Sasraku, Ibrahim Sulej dhe Isak Gyamfi. Bardheblutë janë kështu një konglomerat, sepse kanë më shumë se çdo ekip tjetër të huaj.
Skuadra në ndryshim nga viti i shkuar ka shtuar numrin e të huajve dhe është gati që të përballet me Jang Bojsin në ndeshjen “play off” të Europa Ligës.
Tirana ia doli që të eliminonte Dinamon e Tbilisit në Champions, u mund nga Crvena Zvezda, ndërsa nuk luajti fare në turin e tretë të Europa Ligës, sepse u kualifikua falë goglës fatsjellëse.
