Klubi rus Spartak Moska po këmbëngul fort për të blerë kapitenin e Shqipërisë Elseid Hysaj. Mbrojtësi i Napolit , i cili ende nuk ka rinovuar kontratën me të kaltërit po ndiqet prej kohësh nga klubi i kryeqytetit rus.
Sipas mediave italiane, Napoli ka marrë ofertë prej 7 milionë eurosh nga pala ruse. Përveç kësaj, 26-vjeçarit i ofrohet një kontratë për 5 vite duke përfituar 3 milionë euro në sezon.
Prej kohësh Napoli dhe Hysaj nuk po gjejnë gjuhën e përbashkët për të zgjidhur përfundimisht të ardhmen e lojtarit.
Menaxheri i tij Mario Xhufredi ka deklaruar se nëse Napoli nuk ofron kushte të përshtatshme që Hysaj të rinovojë kontratën, atëherë ai do të largohet nga “San Paolo”.