Ballkani nga Theranda është lider i ri në elitën e futbollit të Kosovës. Skuadra nga Theranda e demoloi me rezultat 3:1 Llapin nga Podujeva, në takimin që u zhvillua në stadiumin “Zahir Pajaziti”.
Llapjanët janë në krizë të rëndë të rezultateve, treguesi më i mirë janë tri humbje radhazi në edicionin e ri.
Kryetrajneri Ismet Munishi me skuadrën e tij importoi tri pikë që peshojnë shumë.
Trim i ndeshjes - Mirlind Daku, që po futet në histori të futbollit tonë, si shënuesi më efikas në katër javët e para.
Ai për katër javë ka realizuar gjithsej 8 gola apo mesatarisht nga 2 për ndeshje.
Daku ka shënuar në minutën e 52-të dhe të 60-tën, dhe Blend Baftiu në minutën e 70-të për Ballkanin.
Në minutën e 77-të, Egzon Sinani i Ballkanit, u ndëshkua me karton të kuq pas dy të verdhëve.
Në minutën e 79-të, falë një gjuajtjes së jashtëzakonshme të Arbnor Ramadanit, ngushton humbjen në 1:3. Fillimisht topi qëlloi shtyllën dhe pastaj futet në rrjetë.
Ballkani kryeson klasifikimin me 10 pikë, ka dy më shumë se Arbëria që zë vendin e dytë, ndërsa Llapi e mban pozitën e nëntë me 0 pikë.
Superliga e Kosovës
Drita-Besa 3:1
Trepça '89-Prishtina 1:0
Llapi-Ballkani 1:3
Arbëria-Feronikeli 0:0
Nesër
Drenica-Gjilani 15.00
Tabela
1. Ballkani 4 3 1 0 10:4 10
2. Arbëria 4 2 2 0 6:1 8
3. Trepça ’89 3 2 0 1 2:2 6
4. Feronikeli 4 1 2 1 8:5 5
5. Prishtina 3 1 1 1 4:2 4
6. Drenica 3 1 1 1 4:6 4
7. Gjilani 3 1 1 1 1:4 4
8. Drita 1 1 0 0 3:1 3
9. Llapi 3 0 0 3 1:5 0
10. Besa 4 0 0 4 3:12 0
Në javën e pestë do të takohen: Gjilani-Arbëria, Feronikeli-Drita, Ballkani-Prishtina, Besa-Trepça '89 dhe Prishtina-Llapi.